.jpg)
اسلام آباد: نگراں وفاقی وزیر صحت ڈاکٹر ندیم جان نے پیر کے روز کہا کہ صحت کارڈ کی بلاتعطل خدمات وفاقی مالی اعانت سے چلنے والے علاقوں میں جاری رہیں گی۔
ایک اعلیٰ سطحی اجلاس سے خطاب کرتے ہوئے انہوں نے کہا کہ آزاد جموں و کشمیر، جی بی، آئی سی ٹی اور ضلع تھرپارکر سمیت تمام وفاقی فنڈڈ علاقوں میں خدمات کو یقینی بنایا جائے گا۔
انہوں نے یقین دہانی کرائی کہ فنڈنگ کے تمام مسائل کو حل کیا جائے گا۔ ڈاکٹر ندیم جان نے وفاقی پروگرام کے لیے مسلسل تعاون پر پنجاب کے وزیر صحت جاوید اکرم اور اسٹیٹ لائف کی قیادت کا شکریہ ادا کیا۔
وزیر نے قوم کو یقین دلایا کہ تمام اسٹیک ہولڈرز کے تعاون سے یہ شاندار پروگرام تمام پاکستانی شہریوں کے فائدے کے لیے جاری رہے گا۔
اجلاس میں آزاد جموں و کشمیر کے وزیر صحت انصار ابدالی، چیئرمین سٹیٹ لائف سلمان مہدی، سٹیٹ لائف کے سی ای او محمد شعیب اور وفاقی صحت سہولت پروگرام کے سی ای او محمد ارشد نے شرکت کی۔
اس سے قبل، پنجاب کے نگران وزیراعلیٰ محسن نقوی نے صوبے میں صحت کارڈز بند کرنے کی افواہوں کو مسترد کر دیا۔
نگراں وزیراعلیٰ پنجاب نے کہا کہ صحت کارڈز بند نہیں کیے جا رہے بلکہ ان کے غلط استعمال کو روکنے کے لیے اقدامات کیے جا رہے ہیں۔
محسن نقوی نے کہا کہ ہیلتھ کارڈز پر سرکاری اسپتالوں میں مکمل طور پر مفت علاج ہوگا، اور نجی اسپتالوں میں 70 فیصد مفت علاج ہوگا۔
پی ٹی آئی حکومت نے کم آمدنی والے اور غریب گھرانوں کو مفت طبی خدمات فراہم کرنے کے لیے اسکیم کا آغاز کیا اور سالانہ 10 لاکھ روپے تک کے طبی بلوں کا احاطہ کیا۔
2016 میں پی ٹی آئی کی جانب سے سب سے پہلے خیبرپختونخوا (کے پی) میں شروع کی گئی صحت اسکیم کو 2021 میں وفاقی دارالحکومت، پنجاب اور گلگت بلتستان تک بڑھا دیا گیا۔