.jpg)
اسلام آباد: وزارت صحت نے کوئٹہ ضلع کے ماحولیاتی نمونوں میں پولیو وائرس کی تصدیق کی ہے، ۔
وزارت صحت کے ترجمان کے مطابق کوئٹہ کے سیوریج کے پانی کے دو نمونوں میں پولیو وائرس پایا گیا۔انہوں نے کہا کہ پولیو پروگرام کا سرویلنس سسٹم بہت مضبوط ہے۔ ترجمان نے کہا کہ حکومت پولیو کے خاتمے کے لیے موثر اقدامات کو یقینی بنا رہی ہے۔ انہوں نے کہا کہ پولیو کے زیادہ خطرے والے علاقوں میں ایک مربوط حکمت عملی مرتب کی گئی ہے۔انہوں نے کہا کہ والدین ہر پولیو مہم کے دوران اپنے بچوں کو پولیو کے قطرے ضرور پلائیں۔
اس ماہ کے شروع میں کوئٹہ سے سیوریج کے پانی کے دو نمونوں میں پولیو وائرس پایا گیا تھا ۔ کراچی ملیر، پشاور، حب اور ٹانک سے بھی ایک ایک نمونے میں پولیو وائرس پایا گیا۔قبل ازیں، نگراں وزیراعظم (پی ایم) انوار الحق کاکڑ نے پولیو کے خاتمے کا ہنگامی منصوبہ بنانے اور پاکستان کی ہائی رسک یونین کونسلوں میں مربوط پروگرام شروع کرنے کی ہدایت کی۔وزیراعظم نے جدید ٹیکنالوجی کے استعمال سے پولیو ویکسینیشن مہم کی نگرانی پر زور دیا۔پولیس کیسز کی حالیہ رپورٹ پر اظہار افسوس کرتے ہوئے وزیر اعظم کاکڑ نے افسوس کا اظہار کیا کہ دنیا سے ختم ہونے والی یہ بیماری اب بھی پاکستان اور افغانستان میں موجود ہے۔